Pór a disposición das/os asistentes recursos didácticos e metodolóxicos para o traballo da aula. Dar a coñecer ao profesorado as posibilidades da cidade e a provincia de Ourense. Fomentar a innovación pedagóxica na aula. Fomentar a normalización lingüística no ensino. Fomentar o intercambio de experiencias entre o profesorado.

Faite amigo do teu smartphone: Obradoiro para sacarlle o máximo partido a ese aparello que xa todos levamos na mao ou no peto as 24 horas do día e que nos dá continuas satisfaccións e comodidades…..pero nos frustra, ás veces, como aprendices de fotógrafos. Visita didáctica ao Centro de interpretación Aquae Querquernnae e ao conxunto arqueolóxico de Aquis Querquennis composto por un campamento militar, unha mansión viaria e aguas termais. Alí serános presentado o programa didáctico dirixido ao alumnado e adaptado ás distintas etapas educativas baixo os deseños curriculares vixentes. Como organizar unha exposición fotográfica. Ideas básicas para organizar as fotos. Como contar unha historia con elas. Resolucións de dúbidas e curiosidades sobre o tema. O Circuito Permanente de Orientación Deportiva (CPO) como ferramenta pedagóxica. Introdución dun xeito básico na Orientación Deportiva desde unha visión multidisciplinar do CPO. Ourense medieval. A importancia didáctica do coñecemento da cidade. Visita polo Ourense medieval. De Santa María Nai ao convento de San Francisco, pasando polas rúas gremiais e a Praza do Ferro. Espazos que, segundo a tradición teñen relevancia especial, non só na cidade de Ourense, senón na historia de Galiza. Como o lugar de conversión do visigodo Carriarico ao catolicismo.

A metodoloxía será aberta e participativa con utilización de diverso material de apoio. Os guías explicarán as características de cada lugar visitado cun enfoque didáctico. Resolveránse as dúbida daqueles que acudan ao curso, o que levará consigo realización dunha avaliación continua que permita ir modificando, se for preciso, a metodoloxía proposta. Será básicamente práctica, fomentando a troca de experiencias, a participación , o debate e as tarefas activas.

Realizarase unha avaliación final do curso por parte dos asistentes ao mesmo, mediante un coloquio informal e a realización dun cuestionario elaborado a tal efecto.

Profesorado galego

Por orde de inscrición

Carteis, folleto, correos electrónicos e páxinas web