Neste curso vanse realizar unha serie de excursións pedestres, nas que se poderán enxergar unha serie de panoramas, escenas e detalles naturais que funcionarán como xanelas ao pasado do noso planeta, a traveso das que se considerarán eventos e momentos significativos da súa historia, no marco conceptual do Sistema Terra e dende unha perspectiva antropocénica.

Presentar o conxunto de panoramas, escenas e detalles naturais que funcionan como xanelas ao pasado do noso planeta.

Recoñecer eventos e momentos da historia planetaria nos espazos da nosa contorna

Caracterizar espazos, paisaxes, etc da nosa contorna dentro do marco conceptual do sistema Terra e desde unha perpectiva antropocéntrica.

O papel da auga nos procesos erosivos.

Paisaxes modeladas polas augas: orixe das rías, apertura do Océano Atlántico, etc.

A orixe do sustrato rochoso na Galiza.

Paisaxes e pedras: pegadas da Idade de Xeo Cenozoica, a orixe da pedra calcaria, etc.

VISITAS A:

Sábado 12: Serra d’Arga (Caminha). A xénese das paisaxes da agricultura tradicional; as invasións biolóxicas ligadas ao cambio de modelo agrícola; o paradigma europeo da protección da natureza.

Mércores 16: Os cantís de Sanxiás (O Rosal). A apertura do océano Atlántico; A Repoboación Forestal; a formación de Panxea.

Sábado 19: A Cova do Rei Cintolo (Modoñedo). A orixe da pedra calcaria e da súa distribución en Galiza; o papel da auga nos procesos erosivos; a ecopolítica.

Mércores 23: A Serra de Pena Corneira (Carballeda de Avia). A orixe dos granitos e a xénese das paisaxes graníticas; causas e dinámica dos grandes incendios; os sobreirais como relictos do bosque autóctono.

Sábado 26: Mañá.  Praia de Ladeira – Monte Lourido (Baiona – Nigrán) .A “ría de Baiona” como exemplo da orixe das rías galegas; as praias fósiles e as variacións no nivel do mar; a orixe do substrato rochoso de Galiza.

Tarde: O monte Galleiro (Redondela). As pegadas da Idade de Xeo cenozoica; a orixe do aproveitamento humano da cadea trófica baseada nas gramíneas; o eucalipto e a deseucaliptización.

Os roteiros son fundamentalmente prácticos xa que a intención dos mesmos é dotar de material e recursos didácticos ao profesorado asistente para que sexa capaz de empregalo logo nas súas aulas.

Recollerase, una vez que se remate a actividade, unha enquisa na que se valorarán os seguintes aspectos:

Cumprimento dos obxectivos da actividade.

Metodoloxía empregada na actividade.

Valoración de aspectos como: datas, horarios, espazos ou materiais empregados.

Profesorado de ensino non universitario.

Por rigorosa orde de inscrición, teñen preferencia as persoas asociadas á AS-PG e as afiliadas á CIG-Ensino