• Divulgar  e descubrir o noso patrimonio que é memoria do que fomos para explicar o presente e proxectar o futuro.
• Pensar os museos en clave de diversidade e igualdade, espazos abertos, dinámicos e accesibles.
• Descubrir a transformación da toponimia ao longo da historia.
• Revelar figuras de mulleres galegas, mestras algunhas, valentes e represariadas polo feito de ter conciencia do poder transformador da educación. 

Xoves, 7 de 19:30h. a 21:30h.
1. “ patrimoniogalego.net un catálogo social do patrimonio cultural de Galicia"
 Soledad Felloza, integrante do proxecto A Enciclopedia do Patrimonio de Galicia
Patrimoniogalego.net é un Sistema de Información  Xeográfica (SIX) que nace co obxectivo de elaborar un Catálogo Social do Patrimonio Cultural galego, estruturado por comarcas, concellos, pero no que tamén podes recuperar a información por tipo de ben cultural, por cronoloxía... É como unha Wikipedia do Patrimonio.

Xoves 14 de 19:30 a 21:30h.
2. “Perigo! Os museos Inclusivos transforman sociedades e territorios.”
Encarna Lago González, xerente da Rede Museística Provincial de Lugo.
O museo “foi”  a institución privilexiada dunha clase determinada, o espazo onde se conservou o coñecemento e a historia “oficial”, e, aínda que isto mudou debe mudar aínda máis. Temos por diante o reto de reformular a institución en clave de diversidade e igualdade. Debemos profundar na idea dun patrimonio, dun museo expandido, aberto, flexíbel, dinámico e accesíbel á expresión humana.

Xoves 21 de 19:30 a 21:30h
3. Recuperarmos a memoria da Coruña a través da toponimia
Relator: Iván Méndez López, traballador no ámbito de dinamización e normalización lingüística. Investigador.
Un dos recursos máis importantes para coñecermos a identidade pasada é a toponimia.  O relatorio tentará achegar o valor da riqueza toponímica  dun concello como A Coruña, ao mesmo tempo que ponderará a recuperación do noso nomenclátor como elo de unión co noso pasado.

Xoves 28 de 19:30 a 20:30h.
4. Presentación da colección MULLER(ES) DE PALABRA 
Relatoras: Mercedes Queixas Zás, secretaria da AELG e Encarna Otero, profesora e estudosa da vida e obra de moitas mulleres.
Neste caso, ábrese a colección con  tres mulleres de pensamento, obra e acción que traballaron polo progreso, a igualdade e unha sociedade máis xusta. Tres mulleres cun traballo  comprometido en defensa dun ensino de calidade para todas as clases sociais que sufriron a represión franquista dun xeito terrible:
Mercedes Romero Abella, Elvira Bao e María Miramontes

A metodoloxía a seguir será de exposicións teóricas, seguidas dun coloquio.

Recollerase unha enquisa na que se valorarán os seguintes aspectos: cumprimento dos obxectivos da actividade, metodoloxía empregada na actividade, valoración de datas, horarios, espazos ou materiais empregados

Profesorado non universitario galego

Por orde de inscrición.

A través de trípticos e correos electrónicos que se enviarán aos centros e a asociadas e asociados.