PROGRAMA
09:45h. Recepción e entrega de material
10:00h. Ler e escribir. Cando e como. Mª Teresa Neira González, mestra especialista en educación infantil no CEIP Pío XII, creadora de Recursos Educativos Abertos para o proxecto EDIA.
Coñecer os fundamentos e piares da teoría construtivista. Etapas polas que pasa o alumnado no proceso de adquisición da lingua escrita.
Diferenciar unha “Secuencia Didáctica” doutras modalidades de programación.
Aprender a deseñar “Secuencias Didácticas” estables e puntuais.
Exemplificacións.
12:45h: Regueifa miúda. Alba María, filóloga, cantora, produtora e improvisadora oral.
Partindo da consciencia do propio corpo como elemento produtor de ritmo e que responde a el, transitaremos o país das palabras, os xestos, a música, o baile e con estes iniciarémonos nas pautas básicas da regueifa tradicional: estrutura estrófica, cómputo silábico, ritmo, rima, campos semánticos, metáforas...
16:00h. Ambientes de aprendizaxe e matemáticas. Mónica Corbacho Varela, mestra no CEIP Outeiro das Penas.
A aprendizaxe matemática a través de ambientes ou espazos da liberdade e posibilidade a nenas e nenos de tomar múltiples decisións e de elixir. Incorporar moitos materiais concretos nestes espazos e darlle un acompañamento axustado, converte a aula nun lugar para experimentar e aprender, onde nenas e nenos son os protagonistas e onde poden facer unha aprendizaxe de dentro para fóra e non de fóra para dentro como se dá normalmente.
18:00h. A educación multisensorial como oportunidade de cambio. Begoña Sieira Antelo, Lidia Fuentes Naya e Rocío Castro Chenel, mestras do CEIP Fogar.
O proceso de creación, organización e posta en marcha dunha aula multisensorial. O aproveitamento de recursos como punto de partida da transformación educativa.
19:00h. Disciplina positiva. Con amor nunha sociedade entre iguais. Begoña Varela e Beatriz García Ramos-Macho de Aulas de Pousada do CRA Plurilingüe de Vilaboa.
Proposta fundamentada na práctica baseada na relación cotiá establecida con crianzas de 3, 4 e 5 anos. As relacións mantidas no grupo están sustentadas no respecto mutuo, na valoración de cada integrante do mesmo, na garantía de que cada quen ten un espazo e un tempo para si. Onde o erro é construtivo, onde cabe o perdón, onde está permitido expresar o universo das emocións, onde temos pautas compartidas que regulan a nosa convivencia. Onde podemos falar e ser escoitadas, onde a diferenza nos enriquece e a uniformidade nos oprime.
20:00h. Clausura
